Contoh Pranoto Adicoro Maulid Nabi Muhammad SAW ~ piwulang jawi

Contoh Panoto Adicoro Maulid Nabi Muhammad SAW

Teks MC ISRA' MI'RAJ Nabi Muhammad SAW

السلام عليكم ورحمة الله وبركاته

Alkhamdulillahi robbil ‘alamin, wabihi nasta’iinu ‘ala umuurid-dunya wad-diin, washolaatu wassalaamu ‘ala sayyidina mukhammadin, wa ‘ala aalihi wa shokhbihi ajma’iin.

Qoolallohu fii kitaabihil kariim:
A’udzubillahi minasy-syaithoonirrojiim, Bismillahirrahmanirrahim,
Subkhanal ladzi asroo bi’abdihi laila, lailam-minal masjidil kharoom ilal masjidil aqshol-ladzii baaroknaa khaulah, linuriyahu min aayaatinaa, innahu huwas-samii’ul bashiir.

Shodaqollohul ‘adhiim, amma ba’d

Khadrotal Muhtaromin, poro alim, poro ulama’ ingkang kawulo hormati, linangkung para sesepuh, pini sepuh ingkang dahat kinabekten.
Al Mukarom Bopo Kyai Haji ……………. saking desa …………… kecamatan …………… kabupaten …………… ingkang tansah kito antu-antu barokah ilmunipun.
Pangembat pangembating projo, satrioning negari, panjenenganipun Kepala Desa ……………, Bopo ……………, sumrambah sedoyo perangkat-ipun ingkang tansah kawulo hormati, ugi kawulo taati.
Ketua Ta’mir Masjid ……………, bapak …………… ugi sedoyo pengurus ingkang kawulo hormati.
Hadirin-hadirot, tamu undangan, kaum muslimin-muslimat ingkang tansah kawulo hormati.
Mboten kesupen dumatheng santriwan lan santriwati Masjid …………… ingkang kawulo tresnani.

Purwakaning atur, sumonggo kawulo derekaken anggenipun tansah ngunjuk’aken raos syukur dumateng Allah SWT, katitik wonten kawedangan ndalu puniko kito sedoyo waget makempal sesarengan wonten majlis puniko, sak perlu nderek mengeti Isra’ Mi’raj Nabi Muhammad SAW, tanpo manggihi aral satunggal punopo. Sumonggo raos syukur meniko, kito ikror-aken bil-lisan, kanti waosan tahmid sesarengan. “Alkhamdulillahi robbil ‘aalamiin”.

Kaping kalih ipun, shalawat ugi salam Allah mugi kunjuk dateng nabi agung Muhammad SAW, nabi ingkang kito antu-antu syafaat-ipun benjang ing yaumul qiyamah. Amiin.. amiin, yaa robbal ‘alamiin..

Hadirin-hadirot, kaum muslimin muslimat ingkang insyaallah dipun mulyaaken dening Allah SWT, wonten mriki kawulo minongko pranoto adicoro, keparengo badhe maosaken reruntuting adicoro pengaosan Isra’ Mi’raj Nabi Agung Muhammad SAW ing wekdal ndalu puniko. (*Adicoro ingkang:

(sepindah) inggih puniko Pambuko
(ongko kalih) inggih puniko Gema Wahyu Illahi
(ongko tigo) inggih puniko Waosan Tahlil
(ongko sekawan) inggih puniko Sambutan-sambutan:

Sambutan ingkang sepindah, sambutan saking Ketua Panitia PHBI Masjid ……………
Sambutan ingkang kaping kalih, inggih puniko sambutan saking Kepala Desa ……………

Adicoro ingkang ongko gangsal inggih puniko Mau’idhotul Khasanah saking panjenengan ipun Al Mukarom Bopo Kyai ……………, saking desa …………… kecamatan …………… kabupaten …………….
Dene adicoro ingkang pungkasan inggih puniko Do’a Penutup

Hadirin-hadirot kaum muslimin-muslimat ingkang mugi-mugi dipun mulya-aken dening Alloh SWT, mekaten reruncening adicoro pengaosan ingkang badhe kaleksanan ing ndalu meniko.

PAMBUKO

Hadirin lan hadirot ingkan kawulo hormati.
Kanthi nyenyuwun ridho lan barokah dumatheng Alloh SWT, monggo pengaosan ing ndalu meniko kito bikak kanthi waosan Ummul Kitab sesarengan.
Liridho_illahi ta’ala wa lis-syafa’ati rosulillahi shollallahu ‘alaihi wasalllam, Al fatihah…
Matur nuwun, mugi-mugi kanti waosan ummul kitab, adicoro pengaosan Isra’ Mi’raj ing ndhalu meniko waget lumampah kanthi lancar, mboten manggihi aral satunggal punopo. Amin..

GEMA WAHYU ILAHI

Hadirin-hadirot ingkang minulyo, kito lajengaken adicoro candak-ipun inggih meniko Gema Wahyu Illahi. Ingkang badhe dipun salirani dening sederek ……………. Dumatheng sederek ……………. sasono woro kawulo aturaken, sumonggo.......................................
........... ........... ........... ........... ........... ........... ........... ...........

Hadirin lan hadirot ingkang mugi-mugi dipun mulyaken dening Alloh SWT.
Adicoro Gema Wahyu Illahi sampun paripurno, mugi-mugi kanthi waosan ayat-ayat suci Al-Qur’an kala wau, saget nambahi raos iman ugi taqwa kito dumatheng Gusti Alloh SWT. Amin amin ya robal ‘alamin.

WAOSAN TAHLIL

Hadirin lan hadirot ingkang kawulo hormati.

Kito lajengaken adicoro ingkang ongko tigo, inggih meniko, waosan Dzikir Tahlil Ingkang badhe dipun pimpin dening Bopo Kaum ……………. Dumatheng Bopo. …………… sasono woro kawulo aturaken, sumonggo.

Hadirin lan hadirot ingkang dipun mulyaken dening Alloh SWT.
Matur nuwun dumateng bopo Kaum ……………, mugi- mugi kanthi waosan dzikir tahlil kala wau, arwah ahli waris kulo panjenengan sami dipun ngapunten sedoyo kalepatanipun ugi dipun papak’aken wonten suarganipun Allah SWT.. Amin, amin ya robal ‘alamin.

SAMBUTAN - SAMBUTAN

SAMBUTAN SAKING KETUA PANITIA
Hadirin lan hadirot ingkang kawulo hormati.
Kito lajengaken adicoro candak-ipun, inggih meniko sambutan-sambutan. Dene sambutan ingkang sepindah inggih puniko sambutan saking ketua Panitia Peringatan Hari Besar Islam Masjid ……………, ingkang badhe dipun aturaken dening Bopo ……………. Katur dumatheng Bopo ……………, sasono woro kawulo aturaken. Sumonggo.

SAMBUTAN SAKING BAPAK KEPALA DESA
Hadirin lan hadirot ingkang kawulo hormati. Sambutan saking ketua panitia sampun paripurno. Kito lajengaken adicoro candak-ipun inggih meniko sambutan saking Kepala Desa ……………. Katur dumatheng panjenenganipun Bopo …………… sasono woro kawulo aturaken. Sumonggo.

Matur nuwun dumatheng Kepala Desa Karangmulyo, Bopo …………… ingkang sampun paring waluyan dumatheng kito sedoyo, mugi-mugi menopo ingkang dipun aturaken kolo wau saget kito mangertosi lan kito laksana-aken.

Break Untuk Konsumsi

Hadirin kaum muslimin muslimat ingkang mugi-mugi dipun mulyaken dening Alloh SWT.
Sak derengipun adicoro kawulo lajengaken, adicoro kawulo sekors sak wentawis, sumonggo kawulo aturi ngrahapi unjuk’an soho daharan kanthi sekecaning penggalih. Dene ingkang dereng nampi kawulo aturi nyebar godhong koro, sabar sak wentoro.

BAPAK KYAI CERAMAH

Hadirin lan hadirot kaum muslimin muslimat ingkang minulyo,
Kito lajengaken adicoro candakipun inggih menuko Mau’idhotul Hasanah ingkang badhe dipun wedaraken dening panjenenganipun Al Mukarom Bopo Kyai ……………, saking desa ……………kecamatan ……………kabupaten …………….

Dumatheng panjenenganipun Al Mukarom Bopo Kyai ……………, M.M., sasono woro kawulo aturaken, sekalian kasuwun do’a penutup. Sumonggo.

Penutup

Hadirin hadirot kaum muslimin muslimat ingkang kawulo hormati.

Mekaten adicoro pengaosan Isra’ Mi’raj Nabi Agung Muhammad SAW ing ndalu meniko sampun paripurno. Mugi-mugi andadosaken manfaat tumrap kito sedoyo, bejo dunyo lan akhirat. Amin….amin…yarobal ‘alamin

Kawulo minongko pranoto adicoro wonten pengaosan ndalu meniko, wiwit purwo, madyo dalah wasono kathah cecer cewet, galap gangsuling atur, kirang wijang wijiling ukoro, minggahing kirang subosito, miwah larasing tata krami, kawulo nyuwun angunging samudra sih pangaksami.

Dene kangge panutupe pangaosan Isra’ Mi’raj Nabi Muhammad SAW ing ndalu meniko, monggo kito tutup kanthi waosan hamdallah sesarengan.

ALHAMDULILLAHIROBIL ‘ALAMIN

Saking kawulo cekap semaenten, kawulo ngaturaken sugeng kondur, sugeng perpisahan lan sugeng pinanggih kemaleh ing sanes wekdal.

Wallahul muwaffiq ila aqwaami thoriq..
Wassalamu'alaikum warohmatullohi wa barokatuh